母親節 + 結婚周年紀念

上午完左太陽運動之後，係屋企上陣網，做左朋友叫我幫手埋尾的果個webpage。其實都唔叫做晒嫁，不過我盡左我而家能夠put的effort啦，其他的，之後再做啦！跟住就同媽咪出去接埋阿妹，就展開我安排的晚間節目啦！

我地係中環坐巴士上左山頂。今晚我係山頂餐廳book左位。山頂餐廳係馬路邊的一間獨立西餐廳，夜晚的時候，整個餐廳亮住燈泡，加埋live band同燭光，氣氛當然係perfect啦！我地坐左係餐廳外，原來都真係睇唔到咩夜景的，因為d樹同草都長得太茂盛了。我地食左呢幾樣野﹕

• 小食拼盤
• 炭燒豬仔骨
• 印度x爐魚
• xx三文魚柳
• Warmed centered chocolate cake
• Apple tart

小食拼盤都幾ok，兩個人食的話真係份量幾多，四個人食就差唔多啦！豬仔骨都幾好，味道唔洗點汁都好好味。真係失敗的叫左兩個都係魚，比較起黎，印度x爐魚好食d，因為佢d肉滑d。呢幾個main course同side dish 都食清晒。最後我仲係花左20分鐘等待的時間，黎等呢個出左名的Warmed centered chocolate cake，其實應該即係心太軟。我之前冇食過心太軟，不過今次第一次食個感覺幾好。當用個叉切開個cake果時，見住d 熱朱古力係個cake內谷o下谷o下咁流出黎，加埋雪糕食落口，一冷一熱，唔錯唔錯。個apple tart都幾好，冇朱古力cake咁甜。

環境真係一流，我地周圍都係鬼佬，就算唔係鬼佬，都係法國佬。坐係果度慢慢歎dinner，個人都覺得好relax。上得山頂，點都要睇夜景的。我地係路邊飽覽夜景，上次睇台北的夜景，一d感覺都冇，可能因為燈光唔夠燦爛。不過香港的夜景真係令人覺得超感動的！好多遊客日本人韓國人都連行帶跑的去搶個靚位欣賞夜景。可惜今晚返風，我地都穿得太單薄，都係不易久留。妹妹話佢好耐冇坐纜車，我地就去坐纜車完成今晚的節目了。

美中不足的就係，有個非常不識相的人，係呢個咁美好的氣氛之下，不停的打俾佢的兄弟姐妹煲電話粥，花錢買來的美好環境，都係傾電話的情形下...浪費了。