太陽運動

今日原本要去匯豐銀行聽個talk介紹咩係warrant的，不過因為阿媽要買太陽日報換野，咁所以就留係屋企陪佢。

一早7點幾就打上黎叫我落去幫手。原來佢排頭果幾個嫁！(5點幾排果隻) 原本係任買的，點知其他師奶買晒，到我媽的時候就每人5份！激到佢紮紮跳，我落到去幫手排，排排o下第二版的報紙黎啦，居然發生爭執。有個阿伯排後面的行上前面，係度嘈，話唔俾一人買十份，要一人一份，如果唔係就唔公平。咁排前面果d就梗係嘈啦，我地呢邊都嘈，有冇搞錯，排左幾個鐘先話一人一份！？隔離ok都一人五份啦！因為太亂，7-11停賣，d保安維持跌序。不過前排一個白頭阿伯火遮眼忍唔住同搞事阿伯嘈起上黎，仲出手打交tim！白頭阿伯個老婆緊係禁住自己老公啦~ 果個搞事阿伯都唔識死的，仲走上去撩，又粗口又郁手郁腳。結果白頭阿伯頂唔住，走去搶左清潔車的掃把棍，想打個搞事阿伯。都係佢老婆同埋個保安推開佢地咋~ 搞事阿伯仲係度馬後炮話『隻揪啦！我驚你呀？！幾十歲你方你打得低我呀？』

我都真係笑左出黎，大佬呀！雖則你未白頭，但係你都係切切實實的一個阿伯黎嫁ma。打起上黎『六死誰首』都真係未知~ 咁怕人地買晒自己冇得買，就早d黎排啦。咁人地講定左一人十份先排幾個鐘o者~ 忽然轉一人一份，你估你會唔會有可能全身而退？！實俾人罵死啦~

結果買到我同阿媽就arm arm冇晒報紙。我地難理背後俾人罵的聲音，拿拿聲車d報紙返屋企。真係怕個阿伯走黎罵我地，到時我罵唔罵返佢好呢？隻揪我估我都會打得低佢掛！？之後剪左d coupon去watson度睇o下換餅的情況，太多人啦！我地都係轉戰百佳，人唔算好多，都換得晒。之後返屋企，又去睇餅乾仲有冇。居然有喎！見住d阿婆同埋d師奶，好似跑馬拉松咁，一拎到餅就跑一百米去隊尾又排，仲要係好開心咁。我自己都係咁-.-"，不禁一邊跑一邊話自己痴線同低能。換左幾次就冇晒貨，終於收工，去埋mcdonald度食lunch就返得屋企lu。

最後我都有幫阿媽做返d善事，俾左十蚊買支旗，益o下匡智會啦。

我相信今次我都減到肥掛，又要跑又熱又拎重野，由8點到12點，4個hour...。母親節，放下面子同阿媽去貪小便宜，我犧牲夠大啦掛！？好在呢度冇咩熟人見到我o者.....