豬扒包 + 樹脂甲

今日報左個course。其實係整指甲咁呢~ 好耐之前見過中七同學綺薇整過，我覺得幾靚，不過又冇咩花心機去搵究竟係點整。原來果隻叫法式唔知咩甲，同埋有分水晶同樹脂甲呢~ 我報左學樹脂甲。

放工去左causeway bay，因為間野好近之前學車果度，我去左食個好味的豬扒包先。因為非常大雨，都幾狼狽。係個shop門口食埋個包先入去，得返老闆娘一個人。老實講，佢就好賺啦，多數時間都係度打手機，基本上兩隻手都係自己整o既，佢幫我整得幾隻手指咁大把。不過我報黎都係想學點整o者，算啦！

原來都好似幾易o下！首先要磨滑dd指甲，消毒，用上指甲果個咩貼紙，先用UV gel延長指甲，一整完就要照UV 燈令d gel 凝固。之後就剪好個甲形，再成個指甲都塗上一層薄gel打底，又拎去照。跟住就上閃粉啦，上完又照，之後就成隻指甲都塗上厚的gel，照埋。咁就修返個甲形果d就攪掂啦！聽落好似幾簡單，但係一整都整左我3個鐘呀！對手好累。個老闆娘話我整得唔錯，呵呵~ (鬼咩~ 想tum我之後同佢買成set野ma！) 整完出黎真係幾靚嫁！雖然我本身係想整法式o既，不過整閃粉都唔錯呀！係衰在整得好似厚左d咁。整完之後佢猛話我整得唔錯，係咪好有興趣呢？叫我買一set野返去自己整喎！成$820嫁！我梗係話唔好啦...一黎如果我真係有興趣都去報另一d班學，二黎出去再睇可能會有仲平d o既呢~

不過而家到指甲幾靚，但係對手就唔靚了...嗚...

***************************

呢度整好似好平喎！個老闆娘話正式整一set都要$800嫁喎！

佢又話個UV燈佢賣$680係好平，人地賣$380咋喎！我估應該仲有d平d掛？

睇d網頁話用LCN的物料係好d嫁喎！原來間野都有course上呢！

工聯會都有得學，不過時間唔arm呢~