訓晏d+報稅+招股+睇戲+食飯

之前媽咪叫我陪佢今朝去做太陽運動嫁！好在我冇去咋，有得訓晏d。佢5點幾落去已經排晒長龍，原來d人3點幾就係度排啦！你話係咪誇張？如果下次再黎，我估佢地係唔訓覺，12點就排嫁啦！好在我媽都話下次就唔玩啦。

訓到12點幾起身，食d野就填報稅表，仲要幫阿妹填埋，佢就再訓晏覺。你話做細o既幾著數？之後睇左陣招股書就上網申請埋。

夜晚食左味千拉麵，就去左睇Slient Hill呢~ 上左咁耐套戲都仲咁多人黎睇。狩戲都幾恐怖嫁！尤其係d人點死，一開八咁咇晒d血出黎......-.-" 不過個結局都好離奇，完全唔明點解。點解隻野要上個女主角身呢？佢都已經殺晒果d人報晒仇啦！咁點解個阿媽同個女主角最後返到屋企都係同個老公時空相隔呢？其實佢可以一家人團聚，開開心心咁過新生活咪得law。朋友話係個女主角要同個媽媽永遠係埋一起，所以咁樣喎~ 我覺得..怪怪的。仲有就係果隻野究竟係俾人燒死果個女仔的仇恨製造出黎o既，定係本身係世上的惡魔，所以即使個女仔報晒仇消失左，隻野都仲可以上其他人的身呢？

好多問題，睇黎都係要打o下隻game先會明嫁啦...呵呵~

搵到個website有解釋呢！解說