innovation

今日早上睇左陣卡通片先出門口返學，去到遲左半個鐘不過都未開始。今堂係由中大的innovation centre (CINTEC)的director黎同我地講野。佢notes已經唔係好多頁，but都係講唔晒。主要講一下佢個centre點work呀...佢地中大的公司又做成點呀咁。都學左唔少野。而且原來如果我地想搞公司，係可以同佢地傾，中大會投資係我地度嫁！一邊教我地點做，一邊搞公司，真係個唔錯的選擇。原來以前果個公司一開始係每人拎十萬蚊出黎，再由中大俾另外一半錢的。要搞自己都起碼要有十萬先得，仲要有個idea。佢同老表講的一樣，人有我有果d野做黎冇咩用，如果整網頁，寫trading application呢d根本就唔需要中大幫手，而且賺唔到錢。反而有一d野係人地做唔到的先至可以搞得成，不過idea真的好難搵。

其中中大成功的例子﹕

• PhotoRite
• Wisers

原來科大搞得好濫，開n個公司又摺m個。而poly就開左間野係大陸度搞tim！仲有如果要搵人投資你公司，最緊要的係睇佢俾咩人才俾你，俾舊錢你當然重要，but放個人黎幫手睇住公司，教你地點做野都係好重要的。

放學果時係尖沙咀火車上，忽然見到個講者坐係我正正對面，我拿拿聲扮訓覺，費事眼望望咁embrass