毀滅戰士Doom

今日係個好忙的一日，整日都要改code。放工就要去上堂，聽到幾時要考試就心知不妙，因為得返6個星期咋！！要快d做晒功課同埋開始溫書了，或者到時請返日假係屋企溫啦~

上完堂約左朋友係附近睇戲，就係『毀滅戰士Doom』啦~ 因為又抽中左yahoo 免費戲票呢！好似係第3定4次中了！hehe...不過睇成9點9其實都幾累。套戲直情好似『異形』咁啦~ 都係科學家研究野整左d怪物出黎，之後殺呀咁，最後都仲有兩個生還者返返黎地球。都有幾個位幾嚇人o既，仲有一段佢以打街機的手法拍呢~ 好似我地係主角係度打怪獸咁。不過一邊睇，見到朋友對眼好累，恰o下恰o下，真係唔好意思呢！