怪物

今日又係改code，都係幾忙啦，不過都抽左時間做左一份功課。夜晚返屋企食飯，之後想睇份paper黎做第二份功課o既。不過睇睇o下又好眼訓，就恰左陣。9點幾時醒左，要換衫落去睇戲。我地去左屋企附近戲院度睇『怪物』，睇完都11點半有多，都好眼訓，but套戲都幾好睇，睇到喊晒咁law。由其係個細路唔認得自己阿媽果度，身為佢阿媽都真係好無助。返上屋企就即刻訓了，兩晚都去街去到咁夜呢~

另外公司果度supervisor同同事dave的不和已催向白熱化，原本都只係email上佢地私底下的事，不過因為不滿加深，今次send晒俾所有同事tim。其實不滿唔只dave有，我都有不滿呀！lunch時聽carven同vincent，都一樣有不滿，只不過佢地會私底下同supervisor講又或者背地裡講，我就唔講o者~ 因為係呢度做野都係得過且過，但求無過嫁o者~ 要立功都冇機會啦，supervisor乜都擺住自己做，乜都唔講我知，我咪俾d同事話我乜都唔知law。咁可以點o者~ 佢覺得我唔應該知都冇法子嫁！隨得佢law，我都樂得清閒，有時間去溫書做功課，而且更唔會成為呢班男人爭鬥的禍心。

今日有睇d郵輪假期，but...金公主果d $300蚊一個人仲有$300蚊籌碼玩o下tim，而麗星果d就多好多設施，要成$700-800一個人。所謂的兩日一夜都只係6:30pm上船，第日9:30am-10:00am落船，除非唔訓覺黎玩，唔係的話都好少時間用佢d設施。我又唔賭‥‥‥ 都係諗唔掂~