It's a shocking day

今日一早去左拜山，完事後飲茶。期間發現原來我帶住係身果個係學牌黎的，咁我個正式車牌去左邊呢？打去問佢話可能係運輸署搞錯左。之後我地一家人去左旺角朗豪坊戲院等睇戲。

去到去完toilet搵個位企定，跟住就見到前任男友係toilet出黎，佢大概見唔到我。我同屋企人係度睇住，想見佢而家的女友，因為佢一直都唔肯俾我睇佢女友的相。後黎見佢女友黎左，我媽話唔係好靚but幾後生。之後佢地就出左戲院。

驚喜真係浪接浪，見完前男友同佢女友之後，回過頭黎，就見到我現任男友係toilet出黎 (沒錯！又係toilet！) 佢同一個女仔入左去睇『世紀大騙兔』。我幾愕然，心中即刻想到carrie山雞佢地成日都同我講佢另外一定有女朋友的說話。心裡想，原來事情真的係咁的。係家人的催促下，我打左個電話俾佢，佢當然冇聽啦。家人整晚都同我討論要點對待同佢的關係。

返到屋企我同mandy傾左陣電話，我一直等佢覆我電話或者上網。後黎icq問左，佢一開始都冇講佢有同朋友出街，到我表明見到佢，佢先至講出黎原來果個係佢舊女朋友。

最後我send左一段offline message俾佢就訓了。哭就梗有嫁啦~ 不過呢個ending我都有左心理準備同估到o既。

後黎問返，原來我1st 男朋友今日都係朗豪坊！haha 真係好橋呢~