曲奇

前幾日買晒野，今日一早就同妹妹出發去屯門甜餅屋度整餅。我地係果度租左場，plan左整兩個批底同埋cookies。事先我已經整晒timeline計住大家會有半個hr 時間鬆動的。點知......

我地係上水坐44A到左，搵到果個舊式的工廠大廈，上去果時都幾驚，不過去到原來都ok。工作的地方好似d 整麵包的廚房，有大焗爐同家庭式的焗爐。我地一開始先choose晒d工具等人地清潔左先，之後就各自整自己的野。我整批佢整cookies，由於我地唔識用電動發蛋器，結果我地攪果d粉都整左好耐。另外點樣要蛋黃唔要蛋白又係一門大學問。結果我地用左差唔多兩個hour整野，先可以開始焗。密集式的用5個焗爐整晒我地d野，果時已經係超時一個hour了。由於老闆娘要教學生整cake堂，我地又只係差焗同等涼。所以佢都係收左我地半份加鐘錢o者~不過時間真的係超出左好多。一黎係我地手腳慢，二黎係妹妹忽然加多左一倍曲奇餅的份量。

曲奇餅可以叫成功，因為食得睇得，係d朱古力粒唔夠溶。至於我個批‥‥‥死晒！因為太脆係起膜時就散左了，不過都幾好味，因為落左杏仁粉，所以有好香的杏仁味。

整完返上水食左tea，返屋企放低野就出去同親戚食飯。最後返屋企時整左d曲奇同批底失敗作俾mandy食。成個活動粗略估計都用左5百幾蚊。不過都係幾好玩o既~ 下次等我再儲錢再去玩過~
(最慘就係要請埋妹妹去...)