創新科技展＋煙花

今日一早起身就同mandy去左游水，唔知係咪成兩個星期冇游，真係力不從心。第一個池就分左4次黎游，仲要呼吸幾辛苦tim！最後游左11個池，叫做有一個進步(平時游10個嫁咋~)。不過皮膚的兩截色好明顯，一黎太陽猛，二黎我冇搽防曬。都係搵日去買返支搽身果隻防曬先得。

之後去左食lunch，返屋企沖涼，又再出去『創新科技展』啦~ 一去到由右手邊開始就見到香港發明家協會，有個阿叔發明左個按摩器。在我看來，果個其實只係一個風筒+一個膠咀。不過個阿叔同佢阿哥講到好神奇。佢阿哥半身不隧，西醫都話冇法子，咁佢就研究左呢樣野，而家佢阿哥隻手可以掂到另一邊的耳仔，連西醫都讚佢好掂。於是就排隊去試o下，點知一等就成一個鐘。老實講，排到就黎到先知原來個exhibition收6點，果時都5點幾啦！真係騎虎難下！整完好似就係按摩的感覺law，係咪咁大功效我就唔敢講啦！之後我地去換左紀念品，就快步的行左成個場。除左機械人係最有創意之外，其他的都冇咩特別。幾間大學show的都係一d 用projector同camera做display同sensor的game。果個飛機game好似係city的，就唔係好得啦！個detection好慢，反應唔夠快。中大果個仲衰，佢display就正正係上次seminar果個professor個virtual medicine project。另一個就有賽車game的..唔記得邊間野啦，不過佢特別在於個半圓的projecting area。之但係個projecting area 係買的，佢地係寫左個game o者~ 咁邊算係創新科技先？game 個個university都寫到啦！最慘就係睇唔到poly果架車！行到去佢地都收左檔，問佢可唔可以開黎睇都唔得。反而其他的counter 一直都照講，呢d先至係真的想同人分享發明同成果嫁ma。我地行到7點先走。

之後去supermarket果左d野食返黎金紫荊度睇煙花。呢次都算係我第一次親身係香港睇煙花o既，之前係日本迪士尼都有睇過。等左咁耐都值o既~ 不過我始終都係覺得睇流星雨好睇好多，又或者係日本同屋企人買煙花放好玩好多~ 不過睇緊果時我開始覺得背肌同shoulder都痛，我唔知係個按摩野唔掂定係因為迫係度等睇同睇煙花搞成咁啦。


今日原本係約左某人食飯的，不過最後都係冇confirm到。