旅遊展 Travel Expo

昨天上午做facial，下午開校友會開左3個鐘，因為有人買左零食返黎，邊食邊傾就好好多。為左今次開會，我前幾晚都係屋企排版排左好耐。最麻煩的其實係收稿，都收唔齊。最後我自告奮勇做左秋季行山bbq 的小組成員，其實係因為有d idea係我之前提出的，而家唔舉手唔幫手好似好衰咁。其實我係想就此收爐，等會員大會過後先再開工的。

今日又係晨早起身，因為同妹妹約左出去睇旅遊展。12點幾去到會展，行左個幾兩個鐘就行完lu。其間supervisor打黎，問我今日返唔返工。0_0"

其實星期五佢想叫人返去開ot時，我話左sat唔得閒，或者sun會返去。其實我係up下嫁o者，我都plan晒去邊，仲邊可能返去開工。點知佢真係會打黎問我係咪會返去做野。係會場度玩左新假期的遊戲，win左兩支洗面膏俾呀媽用。行完拎左d資料，就去左中環文華酒店......個餅店度食cake。

其實我想去好耐嫁啦！因為果度d cake出名好食，只係我根本好少會去開中環果邊，冇機會食。我地去到就選左3個cake兩分食。一個係American Cheese Cake, 另一個係Opera，最後一個係Double milk chocolate唔知咩。$30蚊好細個cake咋！咁就冇左一舊水lu，我仲叫多左個cheese scone留返聽日早餐食。American Cheese Cake係好傳統的選擇，texture好軟好滑，而且cheese感覺濃郁，細細一個都令我覺得有d溜。Opera 同Double Milk Chocolate兩個選一個，我會鍾意後者。因為後者朱古力味重d，而且有脆脆底。Opera 的咖啡味雖然唔算勁，但我都係唔多喜歡taste of coffee。

好快就食完。又去姨媽屋企join大食會。澳洲的姨媽返左黎，所以我地都有d活動聚下。一去到就食左好多表姐男朋友整的野食，有蟹啦、蜆啦、菠蘿炒飯啦等等。食到好飽。之後又同表哥們打牙骹。我一個對兩個，實輸啦！好在第3個走左先咋！