年衫三

又係訓到晏先起身，都唔晏得幾多。2點幾去左同leo睇『魔街理髮師』，睇完覺得一般。d演員唱歌係幾勁，以歌劇形式咁睇都ok。不過如果想睇恐怖片咁入去睇，就大失所望，好似leo咁。就算最後發現主角殺左自己老婆，都只係『噢~哦~』咁。不過成場睇戲leo係咁掂人地條頸，個主角就係咁鋸人頸，感覺好鬼唔舒服。

睇完戲就入去柴灣食飯。早上阿媽打黎話伯伯想我幫佢買電腦，其實幫佢買電腦唔係問題，問題係之後的support呀！佢咁大年紀，又唔方會自己慢慢摸同研究點用，佢又想上網睇股價，又唔識英文唔識中文打字。就算幫佢裝晒軟件，佢平時如果唔識用就打黎問我，咁我返工時要點搞呢？咁我放工又要走入去幫佢整野呢？初初學電腦，少少野都會好驚嫁ma，唔敢掂，即使我教佢按d掣佢都未必識按。我實在係冇咩可能幫佢做technical support嫁喎！

不過細姑姐就好唔ger咁啦！好似話我唔幫佢呀哥咁，加埋席間同佢講伯伯同伯娘d野，大家都唔同立場。老實講，即係咁，如果我幫佢買notebook整埋wireless上網，裝晒d software，之後有咩事就由細姑丈入去幫佢搞的話，我完全冇問題，即刻幫佢買添！！