團年飯

時間過得好快，近排工作又忙，老細要我地個個都趕schedule，唔過7點唔準走。唉~ 今個月壓力最大，又review、又趕schedule。

今日夜晚同爸爸果邊d親戚食團年飯，去左彩虹附近一間飯堂。今次輪到我地發板，我同妹妹叫野食叫到忟！好少咁多人食野，預唔到幾多野食係好正常。做東的請願叫多左打包，都好過叫到寒寒酸酸唔夠食呀！但係阿妹就猛過叫得太多。多左咪打包聽日帶飯囉！有d餸係人地出到聲過要，唔通你話唔俾加咁啦喎？！

結果食完晒大家都叫好飽，最後的炒飯同麵就各自打包返屋企。

埋單的時候居然遇到阿roy！約佢就例牌唔得閒，唔約佢就反而撞到正！haha！原來果度好近佢屋企呢！