浪茄行山之旅

今日做左不孝孫女，唔去拜山，約左朋友去行山。其實我應該要將今日拎黎做功課o既，不過又成日顧住玩。

約左佢地10點鐘，我9點半就到左。因為今次係我發起的活動，所以我既準備左三文治、水果，亦先去探路，搵o下果架村巴係邊度上。等晒人都10點半了，佢地再去買水同蛋糕。原來冇人排隊，忽然因為教會的人就黎左幾十人！一架村巴先裝果30人，即死！我們結果都係打的去西灣山果度起行。初起行eric同sherman就健步如飛，眨o下眼就人影都唔見，我地邊行邊影相，不過唔洗好耐，我們就只能將精神集中於行路同氣喘之上。上山的路真的係冇遮蔭，而且太陽又曬，因為剛好正午時份。走左好耐先到西灣亭，食左青蘋果先再起行。之後又係好辛苦咁到浪茄附近的亭度休息。呢截路比較難行，我都跣左幾野，全都係碎石。大概14:30我們到達浪茄了，食d野，就除鞋行沙灘。多數都係鬼仔同鬼妹先穿比堅尼，我一個人係沙灘頭走去沙灘尾，一邊拍照，一邊偷偷地對海當歌。逗留到15:30到我們就準備離去。昨天於mtr見到poster提到浪茄戒毒所開放日，想不到真的係撞正人地黎參觀。我們靠僅有的山水沖沖腳，就起行。呢段路雖然不算遠，不過是最難行的，因為路很斜，加上疲倦的雙腿...。最後係東霸我們叫的士回西貢市中心了。

夜晚我們一起吃了pizza，吹了陣水才回家。
















其他相後補。
呢度