歌唱技巧班

尋日急急的參加左呢個歌唱技巧班。完全係係網上見人地係度學，就膽粗粗的去報黎讀o下，因為價錢同去工聯會報的差唔多，但比起跟張偉文、張崇德佢地學平。放工ot到差唔多就直接去，地方就係舊樓嫁啦，見到個阿sir成個椰子咁！屋內冇咩特別野，基本上就係一set音響，一個projector，一個電子鋼琴，一個notebook行mac，sofa同chair同電視機咁。

在場的人都非常的年輕，當然係有打扮果d啦！尤其係男仔。我係最老嫁啦！因為係插班生，都要搵個時間補返一堂，索性跟另一個插班生一起連續上多一堂。教得好唔好就唔知，不過我覺得會有用d o既。因為上次係張偉文度，一對30-40人，每人唱幾句佢的歌。聽聞係工聯會仲要一對70人！都唔洗旨意開聲啦！呢度就有得先唱兩首歌知道左個聲係點先，再黎開聲。好似舊時音樂堂咁呢do me so me do。講左要返去practice o下個咀型，同埋吸氣。最後仲唱左一首歌錄左音，遲d係佢個網度有得download返tim！

我聲音果然係唔錯呢~ 呵呵！以前成日參加果d歌唱比賽(英文果d)，都會俾評審話我sweet voice o既~ n年前係webradio度得左優異去studio度錄音果時，區瑞強都話我把聲好聽。呢個阿sir都話我聲音好清，同學話我個聲好似王宛之呢！well, 王宛之就似王菲(係差在d氣)，而我又似王宛之，咁假以時日，我咪有可能似王菲？正！

=p 我唱歌都好好聽嫁！！今日我主要都係唱返我d首本名曲，《忽然之間》同埋《還是會寂寞》，最後唱左《真的受傷了》。等我學返咁上下，我要去我kara24H的blog度show返d quali俾台灣的朋友睇先！