我的無聊嗜好

又發作了，今日又上左forum(唔係之前果個)，又係同樣的話題，又係話女仔貪錢，我梗係又忍唔住咁同人拗起上黎啦。當我拗得興高采烈果時，我媽同阿妹都叫我咪咁無聊啦，又同人拗。只有老豆關心我拗d咩。

有個網友話『我18歲月入5千，女朋友嫌我窮飛我』跟住就係一大群男網友群起而攻港女。我老豆一聽得果五千，氣都谷上心口，粗聲咁即刻話，『唔係o下話？得果五千養自己都唔夠啦！交通食飯俾父母，仲好話人嫌你窮？！』

幸好，我地屋企係一個正常的家庭，有正常的價值觀。唔會好似d時下無知少年，以為賺果五千蚊，同女友出街俾洗費，就係好好，好掂。一d都唔反省自己。