唱k

9點幾就醒左，因為發左個唔係咁好的夢。醒左睇陣劇，下午同mandy去唱k。唱左唔係好多首歌咋！不過好多人等，全新都係十幾歲，好似一下子我地老左好多咁。以前去卡拉ok，見到都係一大班大學生，咁上下年紀，點知而家，好似全都係十幾歲的世界。我地去卡拉ok，好似有少少去錯地方咁的感覺。唉~

我的寶貝有一隻耳仔聾左，搞到我聽歌聽得唔夠good feel。想去買過對，點知星期日佢唔開，只好搵日再去買啦！仲有係潮流特區附近見到森美同小儀，小儀太矮，唔係好見到佢，森美就不停做d古怪表情俾人影相。我都唔特別喜歡佢地，睇過就算。

夜晚花左好幾個小時係度塗指甲油。妹妹之前俾左佢地公司一d指甲油俾我，今日我塗左金色手指一隻，覺得真係好難塗。唔知係咪佢地公司個掃唔得，點塗都好多一劃劃。之後我轉左塗紫色，塗到12點幾我都只好放棄。而家成對手都係紫色，遠睇都仲ok，近睇就見到塗得好差...

打扮真係好花精神同時間，唉~