仲有

仲有小學同學陳可欣，都係我中六中七的同學。我地，都係有過節o既~ 唔講唔知呢~

小學時佢同一個同學梁碗茵係孖公仔黎o既，咁之後唔知點樣呀梁碗茵就搵埋我一起埋堆玩，陳可欣梗係唔likey啦！某個小息我地係操場玩緊跳橡筋繩，打鐘大家即刻定晒形，陳可欣就同我講，叫我唔係搶走佢好朋友。我果時聽到都幾駭然，我只係一起玩o者，邊有搶你朋友。

另外一次旅行，我仲有帶好多好多零食去食的年紀，人地就已經唔再食零食了。結果我個背包好重好大，人地果d就好輕。我地3個女仔，一起行小徑去另一個地方坐，走走o下我累了，追唔上腳步，但係另兩個女仔就完全無視我，仲行左去tim，完全唔覺我係後面。我心一嬲起上黎，就覺得算數，你地兩個自己去飽佢，我返返去之前果度自己食野。當我走回頭路果時，我隱約聽到山間有同學叫緊我個名，好似係度搵緊我咁。我嬲呀ma，冇理就照行。當然我都係良心不安o既，食左少少野都係行去佢地度，萬一佢地以為我係山中失縱，咪好大獲？

結果我去到果時，佢地真係以為我失左縱，一見到我就攬住喊，我都後悔緊自己咁鬼任性，嬲咩嬲呀！見到人地咁緊張我，咩氣都消啦，又喊埋一份。我當然冇講出我的罪行啦。只不過......天網恢恢，疏而不漏。我係作文時當作懺悔的寫下一切事實，點知坐我前面的男同學傳功課俾我果時，居然睇左，仲問我係唔係真的！我只有講大話話作嫁law~

拿！又係年輕時犯的錯了。

仲有一樣，就係錯在我同陳可欣、梁婉茵，當時都係鍾意同一個男仔，咪就係我契舅父law~ 鴛家~