後悔

講起珍惜，就會想起後悔。因為唔發生過後悔野，你未必學會珍惜。

記得我係小學時我就有好深刻的後悔野發生左，所以中學開始我就盡量的唔會做令自己後悔的事。小學果時都算係校中的名人？總之就我年年考試都係全級十名內，全班3名內的，又係車長又係風紀，甚得老師痛錫果隻。至少我係咁認為。小六的畢業camp，係一個好難忘的日子。可能就係因為呢個camp，我同d小學同學都唔會有聯絡。果時我分配左係其中一間女仔房內當房長，負責keep鎖匙同守紀律，照顧房內幾十個女同學。當時老師話係個房內係唔可以食野的，而夜晚唔知幾點後呢，就要鎖門唔準出房，所以食開宵夜的同學，要記得早d食定野。

好似係第一晚就有事發生了，我地同隔離的女仔房只有一門之隔，佢地玩得好癲好大聲，我地都忍左佢，點知佢地居然zip紙仔過黎話我地好嘈。果時d女仔都話要zip返紙仔去話返佢地，於是我就兼起開大會的職責，同佢地講如果我地zip左紙仔過去，佢拎張紙仔去陳主任度告狀，我地就死啦！但係如果我地忍一忍，keep住個紙仔，有咩事我地去告佢地一狀，就冇有怕了。當然大家都同意我的說法，呢件事就平息了。

到夜晚一個同學張毅勤過左門禁，話好肚餓，要食宵夜。當時小六的我，就只會遵守規則，我同佢講房度唔食得野，但係而家又唔準出去房外啦喎！佢地話係toilet食都得掛？但係toilet...係房內喎！我完全都唔識點做，佢肚餓到好似肚痛咁樣。當然佢地梗係好不滿啦，我最後叫佢地留係房，我去搵miss問一問，即使罰，都係罰我一個人走出左房。不過一出房行過男仔房窗口，見到佢地食野，佢地話老師俾，咁我信佢地啦，就俾d女仔係房食野law。過節就係咁發生啦！

結果到camp尾要投票選每間房的leader出去拎獎時，當然的受杯葛啦！我都預左嫁啦，只不過冇想到佢地咁卑鄙。點卑鄙？就係有個女仔走埋黎問我個名點寫，佢想投我一票，點知果幾個女仔就走埋去話教佢，但係就教佢寫另一個女仔的名。我聽到晒，不過由得佢，一黎我係做得不近人情左d，二黎，個獎其實唔係d咩咁重要。不過最後，我都係以幾票之差勝出左。

怨恨，可能就係咁形成左。我從來都冇同小學同學有過咩聚會的，只有契舅父幾年先見一次。