情況穩定

得到jojo的鼓勵，但係又有netfriend的冷水，結果我都係鼓起勇氣打左電話去，不過冇人聽。send左sms，都冇人回。心情超級的低落。不過後黎都收到回覆，成個人定晒。
其實係咪情人，我都唔係咁執著。但係連朋友都做唔成，個打擊真的係好大。畢竟幾年黎都有個人差唔多每日分享做過d咩，工作上的野，基本上係心靈上係一個親密的伙伴。一夜之間，失去情人不單止，連一個係心靈上的伙伴都冇埋，真的係幾難接受。所以好安慰佢有覆我sms，至少我地唔係以後都冇野講。唔講情情塔塔，都可以講生活同埋工作。

有d人會覺得唔care，人一出世都係單身嫁啦，朋友都有陰險奸詐的，根本就唔係咁需要太在意某d人進入同走出你的生活。但係天秤座的我，係唯美主義者，亦都係和平主義(大部份時候啦！)。我希望好好珍惜每個曾進入我生命的人同事，縱使唔係站得近的位置，我都唔希望完全的消失。有時平淡的日子中收到一個你曾經認識的人的消息，都會覺得開心。好慶幸的係，我個人以往的情人，即使當時係反左面，但係而家都係朋友，都會交談。唯一一個冇聯絡的，係中學曾暗戀的一個學長，因為我已經完全冇晒佢消息了。如果有朋友仲有佢的消息，可以話我知。佢係甲寅理科班，大我一年的Dick~