如常

今日阿prof. day走黎搵人幫佢整d野，佢搵著我黎講，但係佢講果d野得兩個同事先幫到佢。一個去左開會，一個傾緊電話。等果個同事傾完電話啦，就將阿day refer俾佢啦，咁佢聽阿day講個問題講到一半，個手提電話就響啦！佢就唔理阿day，煲粥煲到阿day發脾氣走，走果時仲有用英文話佢唔分開工作時間同私人時間。咁又係真嫁喎，佢個電話只係同個仔的老師講個仔遲到單野之ma，轉頭再覆都唔洗死o者....

夜晚又去左返學，今次講game programming。阿sir講返打機的歷史，紅白機、gameboy、ps2、Gameboy advance、xbox到黎緊出的ps3、xbox360同埋Wii。又講果d經典game，space war、Space invader、Doom等等，就好似係度講緊過去點點咁。搞到我好有『伙伴』的感覺。好搞笑佢話space invader果時一出，大家都覺得個game好突破、好恐怖，好多怪物咁壓落黎。哈！大佬呀！點都唔叫恐怖掛！

另外佢又講ps3其實個機係抵買o既，因為ps3個hardware如果係pc度，點都要過$5000，但係佢話$3000-$4000就可以了。不過佢的策略係『佢出豉油你出雞』，d game先係貴野。而且就technical方面，冇幾多隻game可以用盡個hardware。再講佢話d人買psp得兩個原因，一係因為千幾蚊可以買部型仔機show off，二係佢用個機黎睇movie而唔係打機。因為d game直接由ps2果度轉過黎係唔好玩的，就好似真三國無雙，係ps2度勁好玩，但係係psp度就唔得。因為psp 係我地係火車地鐵定巴士上拎出黎消閒的，好可能係得5分鐘玩，但係個game5分鐘係玩唔到d咩野出黎。d人買左psp都係crack左個rom，就download d movies同game入去玩，唔會有人捨得出錢去買佢d game黎玩。

佢仲做左個game demo，就係我地將會要做的功課。佢用doom的development kit，加左兩支槍用黎打怪獸，果兩支槍好搞笑。一開槍就會出如來神掌的音樂，射出黎的係個掌；另一個係萬佛朝宗。

好多同學都話會take mon同tue的科，我就立定左心係tue同thur。雖然mon果科的內容同上年的一樣，應該有晒保證，但係我俾成萬幾蚊一科去讀返同一樣的野，會唔會晒左d？game programming我degree果時都想take嫁啦，不過唔收我之ma。而家有得讀都不知幾正~