我的父親鄧小平

有呢本書的e-book已經好耐，不過我一坐係電腦面前就唔會睇書，所以一直都冇睇過。而家放左入我個寶貝度，終於係上海之旅大派用場。

坐車來回杭州都要4-5個小時，仲有來回蘇州的2個小時，係車度我就係靠佢(同埋聽mp3)黎消磨我的時間。由第一章睇到第三十三章，都幾好睇。即係我地係香港過安定的生活，都冇想過果時中國係點。果個文革時代，鄧小平一家所受到的遭遇真係不為外人道。睇睇o下都眼濕濕。

不過學網友咁講，邊有個女出自傳會話自己個老豆衰。佢講到全都係毛澤東的左派思想先會搞到咁，佢地一家由始到終都咁信任同支持佢老豆。我覺得有d懷疑。

當你一家人無端白事，因為老豆的政治取向而受到批判，大哥俾人打到殘廢，屋企人被逼各散東西，唔係俾人囚禁，就係日日俾人打同辱罵。朋友們同埋d世叔伯死的死，病的病，難道真的一丁點兒都唔會覺得呢一切係個老豆帶俾佢地的，唔會覺得有丁點兒怪責、抱怨嗎？

對父親的工作同做法都唔理解，就默默的承受一切傷害。我覺得死都要死得明明白白law。總之就講到佢地屋企幾咁好幾咁團結。

不過我未睇晒~ 仲未知佢大哥好唔好得返，同埋毛毛都未結婚。

留返下次睇。