台灣之旅 第一日 晴

香港機場->台灣機場->一樂園->西門町->龍山寺->華西街

今日一大早就要去到機場，係mcdonald食個早餐，係coffee shop 上o下網就上飛機了。飛機餐係星州炒米，well，不過不失啦。

一去到就要靠我的普通話問路啦！先去坐公車到台北車站，轉的士到我地住的酒店『一樂園』。房間都係同想像中的一樣，細啦，不過床就ok喎！幾舒服。但係個門個鎖好cheap，好似隨時都可以好容易開咁，而且隔音好差，大聲少少都俾隔離房聽到晒。放低d野就去左西門町行一行，嘩！見到明星呀！















戴墨鏡果個就係其中之一啦！佢宣傳緊個『愛情魔法師』果套劇。我唔知佢地係邊個嫁！不過我認得佢地係拍果隻TVB前排播o既『青蛙王子』。果套野真係，睇到我嘔，張相右邊第二果個係主角，靚仔又唔係靚仔，又係度扮型，撞車失憶都要撞三次先得。

之後妹妹去wastons幫朋友買d pond's，果度好平喎！幾十蚊咋果隻野。

夜晚去華西街果度行夜市。可能因為早去，先至5點幾，都未開晒。我地跟住本旅遊書去食果d野。
















元祖燒酒蝦

係用d中藥煮o既，好似話好補喎......，不過......我就唔識欣賞啦...果d中藥同燒酒味。

















統一鐵板燒

呢個唔錯！佢送d菜俾你，之後點果d野食，有蚵仔呀，螺肉呀，鱈魚等等。我覺得個鱈魚同埋蟹肉好好味，螺肉、蚵仔就唔like啦！而且因為樣樣都少辣，加埋一起就好辣！

北港米粥糕

我地叫左『米麻』糬同埋竽圓。都ok啦！我妹就鍾意食。

之後我地行左陣、食左愛玉冰、買左少少野就返飯店lu。


呢個係我妹好想要but冇買o既。-.-" 靚咩？我唔覺o既？