Nike 舞動派對 + 竹園海鮮酒家

今日十點就起身準備出門口，因為約左妹妹一起去Nike 舞動派對。一路去一路見好多女仔都穿左大會果件衫，我地都有穿，不過外加t-shirt之ma。去到等穿梭巴士果時，發現原來好多都上左年紀，阿媽級果d，不過都有同我地差唔多年紀o既。係展貿果度放好d袋，入到去等一陣就開始。

先係一輪勁舞，我地係前排，人好迫，根本都冇位跳，郁兩郁就踩到隔離。而且d人一早就用左coupon去換水，d水放晒係地下，周圍都係水樽，真係唔得law。不過d舞又幾好玩嫁，我妹妹跟唔到，完全都唔知做緊咩~呵呵。之後就睇o下show先，我地去換左支水，睇o下人地果d dance competition 果d隊伍跳成點。有一隊超勁！果d hip hop 係地下轉呀、nike腳呀，全部都做得到，用雙臂撐起成個人果d都得！之前上dance soc果d堂，果d好勁的女仔都做唔到呢d呀！我地都見到廖碧兒同埋鄭融，佢地表現o下跳舞同埋做評判啦。之後又跳左陣又休息，又跳又休息咁。我地後黎都走去場的後排，因為多d位，雖然只係見個screen見唔到個台。妹妹一邊郁一邊叫『媽呀！』haha...

之後我地5點幾換埋紀念品就走lu，因為我都轉到有d頭暈，之後我地係九龍灣行左陣食d野。夜晚我去左九龍城竹園度食dinner，食左芝士龍蝦伊麵、星斑、炒蟹、瀨尿蝦同埋扇貝，有油菜、飲品同甜品送tim！我覺得都幾好食，條魚真係蒸得好滑，酒樓果d冇得比。d芝士汁都正嫁！我見有一枱d人拎左好多麵包係張枱度，原來係用黎點d芝士汁食！好誇張！食到好飽先至走。雖然裝修唔靚，不過d野食幾好，值得推介！我仲想食炒蜆呢...>_<...