學車俾人嚇

夜晚去學車等左好耐都見唔到孔師父，打俾佢先知原來佢今日唔得閒搵左張師父代佢。呢個張師父講野一舊舊，唔出聲，唔問佢佢都唔會講轉左定轉右的，所以有d難溝通。不過佢都算係幾好人的，可能因為緊張，成晚都好多錯誤。好似停車唔記得off波都衰左兩次。有次係我唔覺意熄左車頭燈，有個行人係我地車前行完馬路，居然走過黎敲窗，仲罵我做咩唔開燈。我見佢shirt衫的口袋藏有好似walkie-talkie的物體，有條天線伸左出黎，我驚佢係阿sir黎的，都唔知點反應好。師父猛同佢say sorry，個行人罵完，又忽然係度笑。真係好得人驚...乜而家d行人咁衰o既！？

個師父可能對我信心唔大，成日都唔叫我停就自己踩brake，我好似都學唔到野。好在佢只係代一日o者~