補課開始

今晚係學車的補課開始，放工就去左銅鑼灣sogo個地庫度行o下睇o下有咩食。見到d壽司好正，不過我同自己講尋晚食得太多野啦，晚晚咁食咁洗，好快就唔掂嫁啦！結果忍左口，但係見到有吉百利的隋圓包裝朱古力，就冇辦法了。呢隻係我細個時daddy年年唔知咩節都會買一盒俾mummy食的。好似之後冇出，超級市場都搵唔到。而家見到就必買啦！仲有蜜瓜味的熊仔餅而家特價，佢係季節限定嫁！你知啦，日本仔興ma。

買完野上左去21樓的宴會廳度，因為IT, b+ab, 5cm等等牌子係果度開倉，低至一折tim。仲未夠鐘學車就上去行o下。好多人，d衫好亂，我見個個都一大袋衫咁拎住，睇過d衫又真係好平，有時$30都有交易了。我睇左一陣差唔多時間就去果度等師父，想買埋個豬扒包，點知人地收左舖。