中學聚餐

今日係我地7A o既聚會，地點係九龍塘o既spagetti house。加埋2個老師都總共有12人嫁。果度d 餐都幾特別啦，9點到老師走晒就得返我地10個係度傾計。

中七同學o既我地次次見親都有計傾嫁喎！可能係女仔多啦..而且綺薇、慧研加埋Christy都係好多野講同好肯share野果d人。傾開果d計都好arm我聽呢...哈哈！可惜就係時間短，唔傾得好多就要走。

慧研呢就命途有d坎坷，次次聽個情況都唔係咁好o既。不過佢靚左好多，中七果時o既男仔頭同而家長髮披肩、性感o既打扮(露腰...嘩...果個『盤骨位』，超級引死人)，真係相差好遠。至於christy，由於一向都唔係太熟，不過佢一向貪玩同多姿多采o既生活都係令人嚮往o既。得知佢都安穩起來真係覺得我地都老了。綺薇ma，次次見佢都覺得佢好幸福。雖然男伴都唔同，不過總係有好幸福o既感覺。

今晚綺薇男友車埋我地返屋企。記得佢以前o既男友都會咁o既，就係我地聚餐，而個男友就自己係度閒逛，等佢走同送佢返屋企。嘩！你都咪話唔羨慕。我簡直係恨得十分之犀利，從來都冇遇到一d咁樣o既男仔。就算係我身邊好有風度o既朋友，都唔見得會犧牲一個晚上等女友，管接管送咁。講起男友嘴角都會掛住甜絲絲o既笑容。

咩時候我都會遇到一個咁o既男仔呢？！如果有o既話，我想我都會好似佢地3個咁‥‥‥會好想好想結婚！