秋季大出血

今日約左friend出去行街買衫，你都知啦...秋季啦ma...係時候又要入返d靚衫充o下場面啦ma...呵呵！

行程﹕旺角 - 尖沙咀
早上11點就已經展開左我地o既行程，一去就去左旺角。梗係行商場先啦...有冷氣ma...一邊傾計一邊睇o下衫咁啦....『彈藥』！？....er...都..都有d o既...
呢一站我買左2件外套1件衫同1個袋，已經用去左我大半o既『彈藥』啦...嗚...

之後去左幫我阿媽換果d禮品。呢...匯豐果d呢...去到排緊隊果時睇一睇個封信先啦。好在我睇一睇o者~ 原來26號先開始換，阿媽鬼咁心急就叫我去...都唔睇清楚先。

不過我都有去買ps2碟o既。買左...海賊王，鋼之練金術士2，香港賽道果個賽車(上次俾人呃，今次冇啦)，仲有一隻halloween game呢...

跟住我地轉移陣地去左尖沙咀。係果條...唔知咩街行左陣，又有去利時度逛o下...大家都累啦...8點去左ruby tuesday 度食呢...ha 唔講你唔知..查實我都幾祟洋嫁..我鐘意去d 意大利餐廳...同埋美國餐廳食野嫁！(所以mcdonald係我中學時代o既至愛~)
因為得2個人，只係叫左2碟野同2杯飲品咋！

原來而家ruby tuesday做緊個50% pass，用300蚊去申請呢張pass就可以係90日內都有半價。再俾200蚊可以續...就永久有85折呢！我都唔係成日去，所以都冇申請啦...(太貴啦！)

跟住就急急腳咁返屋企啦...返到去都11點幾12點，試埋果幾隻game 先訓。都好似幾好玩咁嫁！雖然我d game 只有消防員係打爆左....其他...都仲努力緊....

呀！要記得借隻『吉野家』俾mandy先得呢！