又開工

尋日12點就開工，一直到凌晨4點。咁樣做法都真係幾辛苦囉，好易殘。又唔係去玩，做野做到殘晒。

半夜3點樓下有個女仔同男仔。個女仔一黎就喊到好淒厲，大叫佢失戀、乜都冇啦家下。『我冇朋友嫁...嗚...』『點解個個都要咁對我...』個男仔梗係勸下佢送佢返屋企啦。

查實比著係平時，半夜3點係樓下大叫，你都真係未死過。我實叫保安去搞下佢嫁啦。不過佢喊得咁淒涼，又唔好意思仲要嘈佢O既...好在佢都係叫左幾聲就返屋企，唔係真係成晚成村人都聽佢訴苦囉。