家庭聚會bbq

10點幾同媽咪出門口，去姨媽屋企，因為今日係佢度bbq。我地原來係最早去到，等埋其他姨媽黎就一起bbq。當中梗唔少得說說是非咁，聽下佢地講返d陳年舊事。今次表哥又冇帶佢女友出黎啦！次次我冇去果次佢就帶女友，我去果次佢就唔帶。之但係今次有新野喎！估唔到嘉麗表姐帶左佢男友ray出黎！

之後d姨媽就猛話下次到我啦！要我帶個『friend』出黎見下面。=.="

3點幾4點幾，就同表妹們&妹妹，去左旺角行街買野。行完朗豪坊都買唔到咩，不過我見到好多戒指款呀！表妹同妹妹都話我的想法唔多可行，整出黎會好核突喎.....唉~

再去旺角中心度行左陣，好奇怪今日唔係好多人咋喎！不過表妹買belt果間shop個男sales定老闆，真係好臭串！阿妹問佢d t-shirt貨係邊度返，條友仔話：『d貨係邊度返唔重要，你係鍾意件衫，件衫係意大利返定巴黎返都冇關係。』我地聽完就覺得有d興啦！大佬呀！你方你係旺角中心賣百幾二百蚊件會係咩巴黎靚貨咩！咁怕講自己d貨源？！唔洗問阿貴都知你係大陸返貨啦！不過見表妹仲要係度買belt，就唔鬼串返佢，買條belt就快走。一出店，我講左句『條友仔真臭串！』阿妹同表妹就即刻忍唔住係店外大聲的罵條友仔，唔知佢聽唔聽到啦。

轉戰又一城，表妹買埋個袋，我地就去左稻穗亭。都幾好食o既，海膽唔錯，但係三文魚就一般。