拆甲+布拉格的戀人+睇波團

訓到12點幾先起身，睇韓劇『布拉格的戀人』，個女主角笑起上黎真係幾靚o既~ 一邊睇劇一邊開始拆甲。拆左幾隻咋！不過都真係幾難拆，控制果個磨甲機都幾驚。不過好在都算順利，冇話學果d netfriend咁磨穿甲。整到5點幾，姑姐忽然打黎話夜晚上黎睇波。嘩！真係拿拿聲執屋啦，掃地呀！整到我身水身汗，沖返個涼。又要提阿媽放工買定d薯片花生黎招呼人，我記得d表弟上次食晒我包熱浪呢~

夜晚姑姐係房同我同媽咪傾計，姑丈同兩個仔、佢細佬阿威哥哥同埋老豆係度睇呀英格蘭唔知對邊個。睇到12點先走，仲放低左包荔枝tim！