不好受

今日約左大學同學去打牌，朝早10點就去食早餐，之後上皇雀會打牌了。開始時佢地話打1,2蚊，我其實都唔太清楚1,2蚊即係幾多錢，因為不嬲都冇打開ma，以前大學時大家都係打幾毫子的。不過都黎到啦，得4條友，冇理由我話唔玩o者~ 咁就照打。打左兩圈，有個朋友黎左，我俾佢打，而我就睇o下電視。但係可能太早起身，就不停打呵欠。

跟住4圈結算時，先發現原來都係打幾大的。manfred輸左成2百蚊，嘩......我都好驚！之後就再執位，原本同我share的朋友都落場打。果然，我的牌一如以往啦，輸到扒係度。鬼咩，我只係識做牌，唔識計番，又唔識封人牌，又唔識睇人地要咩牌。佢地話我勇，呢d牌都敢打出黎，我都冇聲出啦，咁我真係唔識睇佢叫咩牌ma...。冇o既，最後咪變左我輸得最勁，輸成三百蚊呀！！！平時唔賭錢的我，輸左三百蚊，你都咪話唔心痛。之前抽左水果d錢，俾完租場費之後，就拎去食tea。

其實我聽到有人話不如俾返d錢我o既，可能我情緒低落佢地都睇得出掛。咁我又冇話要咁，的而且確打咁大真係out of expectation，之前問manfred會打幾大果時，佢都係話打好細，或者對佢地黎講，打1,2蚊都係好細掛...咁我輸左，錢拎左出黎，我都唔會話要收返o既。最多下次打咁大我唔出黎打law。

不過，聽到有人(唔知有心定係無意)，講句類似『做咩o者，唔想輸錢就唔好打牌出沖啦~』，聽到真係好氣頂。咁我係問左話打好細先出黎嫁ma，咁當佢地講打1,2蚊果時我冇拒絕話唔打係我o既錯。我輸左唔開心都係正常o者~ 我又唔係時不時都拎幾百蚊出黎賭的人。我都俾左錢出黎啦，仲要聽呢d咁的說話，咁多年朋友我唔識打牌大家知，而家我好想出沖嫁咩？！明知我唔識打牌仲要打咁大，我都唔諗係咪俾人當水魚了，輸左就認輸law。不過聽到呢d咁的說話，真係唔好受。

算啦，好日都唔打一次。