初三

今日10點幾就醒左。鬼咩~ 隔離『果條友』同人傾電話傾到4點都未訓！半夜我俾佢d恐怖的笑聲嘈醒左，發覺佢又未關電腦，話左佢先再訓返。

起身一陣妹妹就出街，我一個人係屋企icq同睇vcd。到咁上下就出去姑姐度食飯，係地鐵撞到我4個表弟都去緊姑姐度，就一起走啦。男仔真係幾難相處，我見佢地4個，野都唔講句就由铡魚涌到柴灣。只係仲細的果兩個會講o下野。