打邊爐+netfriend

今日訓到12點幾先起身，終於終於可以訓過9點半啦！起身之後邊睇卡通邊同媽咪執衫。之後我就睇左陣notes，其實都係睇返上個星期果份notes咋！因為我估佢一定會出一題呢d，而我又其實唔係好明。都搵到d問題想問o下同學仔，下次上堂先問啦~ 跟住又睇卡通，終於睇完廿幾集的『創世大天使』啦！老實講，公仔畫得ok，故仔就好一般啦~ 之後又開始睇另外一套『玻璃的假面』，好似都舊舊地的卡通，不過都ok o既。

夜晚屋企打邊爐，買左超多野食。我都唔明點解可以咁的，打個邊爐都要限住遠d果邊放生野，近d果邊放熟野。個煲有幾大o者，d野放左入去，你見佢變色/變大就知佢熟左未嫁啦，洗唔洗又要分前後左右區域o者！？就好似你食個菠蘿包，有人同你講，你食菠蘿包一定要先食上面個皮，之後先好食個包咁。而家我食包o者~ 我想點食就點食啦，洗唔洗食皮先定食包先，食左先定食右先都有rules? 你話點同人出去打邊爐？唔通同親佢打邊爐的，都要聽佢講熟o既放呢邊，生o既放果邊？之前係大家樂打邊爐都夠異相嫁啦，個爐分兩邊，佢就要生的一邊熟的一邊，咁咪成日都要搬d野食由一邊去另一邊law。你話呢d咩道理！？

夜晚online又見到果個netfriend。先至識左兩三日之ma，成日叫我打俾佢，大佬呀！我又唔係好想同佢講野，而家係佢想同我講野之ma。佢想的咪打黎law，我冇話唔聽嫁，之不過係咁迫我打俾佢係咪有d過份？尋晚又講今晚又講。真係頂佢唔順，27歲仔，上網識女仔想同佢傾電話就自己打俾人啦，有乜可能迫人地打返俾佢？都痴晒線的，唔怪之得個nickname叫『絕望的人』啦，我係佢咁的性格唔方唔絕望啦！仲send埋d sms " I believe... I will make u happy forever..." ，死唔死呀你話？！冇嫁~ 我串左佢之後就冇同佢講野lu。