Space

今日係公司都幾多野做，因為要改返d野同埋要俾同事試了。但係我都係趁supervisor行開的時候偷左陣懶。夜晚放學走左堂去左漫畫cafe度睇漫畫『當過去遇見未來』，睇左2期咋~

之後同yvonne去元綠食sushi，傾左一陣計。差唔多9點幾的時候我地就離開，行過新之城果時見到有人做show，走左埋去睇。其實我就一般有興趣啦，不過可能yvonne唔想咁早返去掛，就留低睇左陣。我地邊聽邊對d 騎呢fans 評頭品足，唱歌果3個邊個靚仔咁，居然同隔離的女仔傾起上黎，就咁就識左~ 聽到10:30佢地完show，yvonne同個女仔maggie去同靚仔albert影埋相拎埋簽名之後先走。老實講，化晒妝真係唔知佢地有幾靚仔。不過當佢唱流沙果時就想起前一陣子我可能已經聽過佢地了，係尖沙咀太陽廣場果時，就見過了。